Обновлено 27.07.2015 07:17 Автор: Administrator 06.01.2015 14:57

Azərbaycan Respublikasının Prezidenti cənab İlham Əliyevin 2014-cü il 26 dekabr tarixli Sərəncamı ilə təsdiq edilmiş Azərbaycan Respublikasında sənayenin inkişafına dair 2015-2020-ci illər üçün Dövlət Proqramənda bu hədəfin reallaşması üçün yerinə yetirilməsi zəruri olan vəzifələr müəyyənləşdirilmişdir.

Dövlət proqramında eyni zamanda sənaye müəssisələrinin fəaliyyətinin dəstəklənməsi, onlara informasiya, marketinq və markalanma dəstəyi, standartların və sertifikatların tətbiqində dəstək, treninq dəstəyi göstərilməsi və bununla bağlı təkliflərin hazırlanması və müvafiq tədbirlərin həyata keçirilməsi nəzərdə tutulmuşdur.

Keyfiyyət Assosiasiyası “Azərbaycan Respublikasında sənayenin inkişafına dair 2015-2020-ci illər üçün Dövlət Proqramı”ndan irəli gələn vəzifələrin həyata keçirilməsinə dəstək vermək məqsədilə dövlət və özəl sektorda fəaliyyət göstərən müəssisələrdə beynəlxalq standartların tətbiqi üzrə yeni layihəyə start verir. 

Layihədə sənaye müəssisələri üçün aşağıdakı işlərin görülməsi nəzərdə tutulur:

• sənaye müəssisələrinin beynəlxalq standartlara və sertifikatlara olan ehtiyaclarının müəyyən edilməsi;
• sənaye müəssisələrinin beynəlxalq standartlar (İSO, EN və s.) üzrə qiymətləndirilməsi və nəticələrinin təhlili;
• qiymətləndirmə və təhlil nəticələrinə əsasən sənaye müəssisələrində beynəlxalq standartların tətbiqi üzrə təkliflər və tədbirlər planının hazırlanması;
• təklif və tədbirlər planına uyğun fəaliyyətlərin həyata keçirilməsinə köməklik və onlara nəzarət.
  

Layihə çərçivəsində beynəlxalq standartlarin tətbiqi üzrə praktiki məsləhətlərin verilməsi və bunula bağlı müvafiq təlimlərin keçirilməsi də nəzərdə tutulur.

Layihəni həyata keçirmək üçün Keyfiyyət Assosiasiyasının üzv və mütəxəssislərindən ibarət qrup təşkil olunmuşdur.

Məsələlərin operativ həlli üçün Assosiasiyada qaynar xətt fəaliyyət göstərir.

Telefon: +99412 480 28 47

             +99412 376 46 62

Mobil:   +99477 277 80 98