Samir Novruzlu

Samir Elçin oğlu Novruzlu 28 avqust 1981-ci ildə Bakı şəhərində anadan olub. 1988-1994-ci illərdə 29 saylı orta məktəbdə, 1994-2008-ci illərdə isə 289 saylı “Zəngi” litseyində təhsil alıb. 1998-2002 illərdə Azərbaycan Dövlət Neft Akademiyasında (indiki Azərbaycan Dövlət Neft və Sənaye Universiteti) “Standartlaşdırma və sertifikasiya” ixtisası üzrə bakalavr, 2003-2005-ci illərdə isə eyni ixtisas üzrə magistr pilləsində təhsilini davam etdirib. 2002-2003-cü illərdə hərbi xidmətdə olub.

Universitet vaxtından ixtisasına uyğun olaraq keyfiyyət, standartlaşdırma, sertifikatlaşdırma, metrologiya və uyğunluğun qiymətləndirilməsi sahəsini daha dərindən öyrənməyə və bu istiqamətdə araşdırma aparmağa başlayıb.

Əmək fəaliyyətinə AMEA-nın akademik Y.H.Məmmədəliyev adına Neft Kimya Prosesləri İnstitutu (NKPİ) Neft və neft məhsullarının standartlaşdırılması və metrologiya laboratoriyasında "Standartlaşdırma və sertifikasiya üzrə mühəndis” kimi başlayan Samir Novruzlu daha sonra bir neçə yerli və xarici şirkətlərdə keyfiyyət üzrə rəhbər, məsləhətçi, təlimçi və baş auditor olaraq çalışıb.

Ölkədə “keyfiyyət” anlayışının aktuallığını və hər sahədə bərqarar olunmasının vacibliyini anlayan və təbliğ edən şəxsləri ətrafında toplayaraq o, 2007-ci ildə “Keyfiyyət Assosiasiyası” İB-ni və “Keyfiyyət və Menecment” jurnalını təsis edib. Onun rəhbərliyi ilə“Keyfiyyət Assosiasiyası” İB qısa zaman ərzində bir çox beynəlxalq və milli təşkilatlarla əlaqə quraraq, beynəlxalq tədbirlərdə və qurumlarda Azərbaycanı təmsil edib və bu işi indi də davam etdirməkdədir.

2008-ci ildə Samir Novruzlu Asiya və Sakit Okean Hövzəsi Ölkələri Keyfiyyət Təşkilatının idarə heyətinə seçilib. 2009-cu ildən Amerika Keyfiyyət Cəmiyyətinin üzvüdür.

Samir Novruzlu Keyfiyyət Assosiasiyası” İB ilə Avropa Keyfiyyət Təşkilatı (EOQ), Amerika Keyfiyyət Cəmiyyəti (ASQ), Beynəlxalq Keyfiyyət Akademiyası (IAQ), Şanxay Keyfiyyət Assosiasiyası (SAQ), Türkiyə Keyfiyyət Dərnəyi (KALDER), Ukrayna Keyfiyyət Assosiasiyası və Ümumrusiya Keyfiyyət Təşkilatı arasında əməkdaşlıq əlaqələrinin qurulması və birgə layihələrin həyata keçirilməsi işinə əzmkar və geniş fəaliyyəti ilə əhəmiyyətli töhfə verib.

Hal - hazırda bir neçə təşkilatın idarə heyətinin üzvü olan Samir Novruzlu, eyni zamada Keyfiyyət Assosiasiyasında sədr kimi fəaliyətini davam etdirir.

Hikmət Rəcəbli

Hikmət Qafar oğlu Rəcəbli 4 mart 1961-ci ildə Quba şəhərində anadan olub. 1968-1978-ci illərdə 4 saylı
orta məktəbdə təhsil alıb. 1979-1981-cü illərdə hərbi xidmətdə olub.

Əmək fəaliyyətinə 1981-ci idə başlayıb. 1981-1983-cü illərdə Almaniya Demokratik Respublikasında
müqavilə əsasında istilik-təsərrüfat sistemlərinin rəisi vəzifəsində işləyib. 1984-1990 illərdə Bakı Dövlət
Universitetində təhsil alıb. Universiteti bitirdikdən sonra 1991-2006-ci illərdə dövlət və özəl sektorda
müxtəlif vəzifələrdə işləyib.

2007-ci ildə “Keyfiyyət Assosiasiyası” İB-nin və “Keyfiyyət və Menecment” jurnalını yaradılmasında
yaxından iştirak edib. 2008-2012-ci illərdə “Keyfiyyət və Menecment” jurnalında baş redaktorun müavini
vəzifəsində çalışıb və həmin jurnalda keyfiyyət və idarəetmə məsələlərinə həsr olunmuş onlarla məqalə
ilə çıxış edib.

Hikmət Rəcəbli keyfiyyət və idarəetmə mövzusunda keçirilən bir necə beynəlxalq elmi-praktiki konfrans
və tədbirdə “Keyfiyyət Assosiasiyası” İB-nin nümayəndə heyətinin tərkibində iştirak edib. Hazırda “E-QMC” MMC-nin direktoru olan Hikmət Rəcəbli, həm də Keyfiyyət Assosiasiyası” İB-də sədr müavinidir.

Qalib Şərifov

Qalib Qabil oğlu Şərifov 15 sentyabr 1961-ci ildə Sumqayıt şəhərində anadan olub. 1978-ci illdə
Sumqayıt şəhər 22 saylı orta məktəbi bitirib. 1978-1983 illərdə D. Bünyadzadə ad. Azərbaycan Xalq
Təsərrüfatı İnstitutunun (indiki UNEC) “Əməyin iqtisadiyyatı” ixtisası üzrə təhsili almışdır.
2004-cü ildə Azərbaycan Elmi Tədqiqiat Kənd Təsərrüfatının İqtisadiyyatı və Təşkili İnstitunda
(AzETKİTİ) “Aqrar səhədə istehsal resurslarından istifadənin iqtisadi səmərəliliyinin yüksəldilməsinin
əsas istiqamətləri” mövzusunda dissertasiya müdafiə etmişdir və iqtisadiyyat üzrə fəlsəfə doktoru elmi
adına layiq görülmüşdür.

Uzun illər xalq təsərrüfatının müxtəlif sahələrində çalışmış, aktiv surətdə elmi-pedagoji fəaliyyətlə
məşgul olaraq, iqtisadi nəzəriyyə və təcrübənin vəhdətinə ciddi diqqət yetirmişdir.
Mikroiqtisadiyyat və idarəetmə standartları Q.Şərifovun maraq dairəsində olan sahələrdəndir. O, müxtəlif
beynəlxalq standartlarının əsasında qurulan idarəetmə sistemlərinin tətbiqi üzrə ekspert-məsləhətçi
qismində çıxış etmişdir. Onun rəhbərliyi ilə Azərbaycan iqtisadiyyatının müxtəlif səhələrini təmsil edən
50 yaxın müəssisəsidə İSO 9001, OHSAS 18001 və İSO 14001 standartları əsasında uğurlu layihələr
həyata keçirilmişdir. Son illər İSO 31010-risklərin idarəedilməsi standartının tələblərinin iqtisadiyyatın
müxtəlif sahələrində fəaliyyət göstərən müəssisə və təşkilatlarda tətbiqinə aid tədqiqat və tətbiq işlərini
aparmaqdadır. Q. Şərifov Keyfiyyət Assosiasiyası xətti ilə ISO 9001:2015 “Keyfiyyətin idarəedilməsi. Tələblər” beynəlxalq standartı, ISO 31010:2009 “Risk menecment-risklərin qiymətləndirmə texnikaları” beynəlxalq standartı, ISO 10002:2004 Keyfiyyəti idarəetmə - Müştəri məmnuniyyəti - təşkilatlarda şikayətlərin idarə edilməsi, ISO 9001:2015 “Keyfiyyətin idarəedilməsi. Tələblər” beynəlxalq standartı üzrə sənədləşməyə olan tələblər və onların tətbiqi, ISO19011:2018 “İdarəetmə sistemlərinin auditi”əsasında daxili auditor, Müəssisələrin özünün qiymətləndirilməsi və EFQM-in kamillik modeli mövzuları üzrə aktiv təlimlər keçirməkdədir.

Q.Şərifov uzun illər Dünya Bankının Dövlət İnvestisiyaları üzrə Kadr Potensialının Gücləndirilməsi
Layihəsinin rəsmi təlimçisi və Azərbaycan Respublikası Standartlaşma, Metrologiya və Patentləşmə üzrə
Dövlət Komitəsinin Keyfiyyətin idarə olunması sahəsi üzrə Texniki Komitəsinin üzvü olmuşdur.

Hal hazırda Beynəlxalq keyfiyyət peşəkarları gildiyasının üzvüdür. (http://qualityguild.center.ru/members-guild/548). Q.Şərifov 1 kitabın və 52 məqalənin müəllifidir.