Ümumi məlumat

Assosiasiyamız artıq on beş ildir ki, keyfiyyət və idarəetmə sahəsində müxtəlif təlimlərin təşkilini həyata keçirir. Bu illər ərzində yüzlərlə mütəxəssis və onlarla şirkət və təşkilatlar bizim təlim xidmətlərimizdən yararlanmışdır. Biz beynəlxalq standartları təlim iştirakçılarına Azərbaycan dilində, peşəkar təlimçilər vasitəsilə və əldə etdikləri bilikləri tətbiq etmək imkanını ortaya qoymaqla öyrədirik. Təlimlərimiz bir qayda olaraq tədris olunan beynəlxalq standartların Assosiasiya tərəfindən Azərbaycan dilinə tərcümə edilən versiyası əsasında aparılır. Bu isə xarici dili bilməyən iştirakçıların mövzunu daha dərindən öyrənmələrini təmin edir.

TƏLİM ÜZRƏ ÜSTÜNLÜKLƏRİMİZ

• Təlimlər üzrə 15 ildən artıq təcrübə;
• 1000-lərlə şəxsin təlimləndirilməsi və 100-dən artıq təşkilata təlim xidmətinin göstərilməsi;
• Peşəkar və təcrübəli təlimçilər;
• ISO 29993:2017 beynəlxalq standartı üzrə sertifikatlaşırılmış ilk təşkilat olmağımız;
• Azərbaycan dilinə tərcümə edilmiş standartlar əsasında tədris
• Təlim bazarında lider olma
• İndividual yanaşmanın tətbiqi
• Standartların Azərbaycan dili versiyalarının təqdim edilməsi

TƏLİM NÖVLƏRİ

Assosiasiya həm açıq, həm də korporativ təlimlər təşkil edir. Açıq təlimlər təlim cədvəlində əks olunan tarixlərdə keçirilir. İstənilən şəxs bu təlimlərdə iştirak edə bilər. Korporativ təlimlərə gəlincə, bu növ təlimlər şirkət və təşkilatlardan daxil olan sorğular əsasında təşkil edilir.